Kosova

Ndërtimi i 50 shtëpive përplas përfaqësuesit e komuniteteve RAE

Partia Demokratike e Ashkalinjëve të Kosovës nëpërmjet një komunikate ka akuzuar Veton Berishën nga Partia Liberale e Egjiptianëve dhe Etem Arifin nga Partia e Ashkalinjve për Integrim, për pengim të ndërtimit të 50 shtëpive për komunitetet RAE.

“Etem Arifi dhe Veton Berisha, të cilët me sjelljet e tyre kanë penguar në mënyrë direkte ndërtimin e 50 shtëpive humanitare për komunitetet rom, ashkalinj, goran dhe boshnjak në Kosovë. Përmes veprimeve të tyre deputetët Arifi dhe Berisha kanë penguar me qëllim të përfitimeve personale e partiake ndihmën e ofruar për komunitetet e lartcekura”, thuhet në njoftim.

Sipas komunikatës së këtij subjekti, veprimi i Berishës dhe Arifit bie ndesh me parimet e barazisë.

“Ne ju bëjmë thirrje zotërinjve që të heqin dorë nga kjo sjellje e pamatur dhe qëllimkeqe e tyre dhe të na bashkohen që bashkërisht t’u dalim në ndihmë komuniteteve tona”, thuhet në komunikatë.

Leave a Reply

This site uses Akismet to reduce spam. Learn how your comment data is processed.