Kronika e zezë

Ndërron jetë një grua, u godit nga vetura në Veternik

Një aksident i rëndë trafiku ka ndodhur pak më parë në Veternik, saktësisht në hyrje të Prishtinës.

Si pasojë e goditjes nga vetura ka humbur jetën një grua.

Kjo është konfirmuar nga zëdhënësja e policisë për rajonin e Prishtiëns, Flora Ahmeti.

“Sot rreth orës 17:30, në lagjen Veternik në Prishtinë, ka ndodhur një aksident trafiku, ku për pasojë një person (këmbësore) ka vdekur. Bazuar në të dhënat fillestare, në këtë aksident kanë qenë të përfshirë një automjet dhe një këmbësore. Si pasojë e këtij aksidenti lëndime të rënda trupore ka pësuar këmbësorja, 57 vjeçare, e cila nuk ka mundur tu përballojë plagëve të marra dhe e njëjta, ka ndërruar jetë”, tha ajo.

Ndryshe ajo tha se njësitë e hetimeve të trafikut rrugor janë duke punuar në identifikimin e ngasësist të automjetit si dhe në ndriçimin e rrethanave të këtij aksidenti.

Shfaq më shumë
//thaudray.com/4/3473483