Kosova

Ndërpritet fjalimi i përfaqësuesit të ICK-së në Beograd – ‘Kosova nuk mund të quhet shtet’

Një incident ka ndodhur sot në Samitin Dixhital të vendeve të Ballkanit Perëndimor që po mbahet në Beograd.

Gjatë prezantimit të përfaqësuesit nga ICK (Inovation Center Kosovo) Shpend Lila, një femër nga publiku ka ndërprerë dy herë fjalimin e Lilës.

Ndërprerja e fjalimit ka ardhur në momentin kur është përmendur emri, Kosovë.

“Sipas Rezolutës së Kombeve të Bashkuara 1244, është absolutisht e papranueshme që të keqpërdoret ky takim dhe afirmohet pavarësia e njëanshme e të ashtuquajturës shtet i Kosovës, me ç’rast po shkelet marrëveshje për përfaqësimin dhe bashkëpunim rajonal të arritur në dialogun mes Beogradit dhe Prishtinës”, dëgjohet të ketë thënë një femër në gjuhën serbe.

Ndryshe për incidentin në Beograd ka reaguar edhe ministri i Punëve të Jashtme, Behgjet Pacolli, i cili ka thënë se Serbia, loboi sërish kundër shtetit dhe pavarësisë së Kosovës.
Ministri i MPJ-së, Pacolli ftoi Bashkimin Evropian që ta disiplinoj Serbinë, përndryshe Kosova në të ardhmen nuk do të marr pjesë në konferenca të këtij lloji.

Leave a Reply

This site uses Akismet to reduce spam. Learn how your comment data is processed.