SPORT

Muriqi është i gatshëm ta bëjë hapin e radhës në karrierë

Sulmuesi kosovar mund të përfundojë tek klubi italian gjatë verës, ka oferta edhe nga Anglia

Lazio është e vendosur për ta transferuar Vedat Muriqin gjatë verës që vjen.

Sulmuesi kosovar pritet të largohet nga Fenerbahçe në fund të këtij sezoni.

Dhe, interesimi i klubeve të njohura evropiane për prizrenasin nuk mungon.

Drejtuesit e “Biancocelesti” i kanë nisur bisedimet me menaxherin e Muriqit, Haluk Canatar.

Mediumi turk “Hurriyet” raporton se Lazio do të ketë një konkurrencë të fortë pasi 25 vjeçarin e duan edhe klubet angleze.

Klubi më i interesuar në Premierligë për ish-futbollistin e Rizesporit është Tottenhami.

Fenerbahçe është e gatshme të shesë përfaqësuesin kosovar për 20 milionë euro.

Klubet evropiane, sidomos ato angleze, e kanë vëzhguar vazhdimisht Muriqin gjatë këtij sezoni.

Pas disa sezoneve të suksesshme në futbollin turk, Muriqi është i gatshëm ta bëjë hapin e radhës në karrierë. 

Leave a Reply

This site uses Akismet to reduce spam. Learn how your comment data is processed.