Rajoni

Misteri i vdekjes së 4 turistëve rusë në Qerret/ Eksperti i sigurisë zbardh skemën e ngjarjes: Ju tregoj pse nuk humbën jetën nga klori apo gazi!

Tragjedia  e familjes ruse, ku humbën jetën 4 prej tyre, në një hotel në Qerret të Kavajës, mbetet ende një mister.

Eksperti i sigurisë Fatjon Softa, hodhi dritë mbi informacionet e deritanishme të publikuara nga institucionet përkatëse lidhur me ngjarjen.

“Informacionet dhe detajet i ka grupi hetimor pra policia e shtetit, si pjesë e punës së saj për të dhënë detaje. Ne bëjmë analizën tonë profesionale për situatën, mbi bazën e të dhënave që vijnë nga media dhe informacioneve që marrim nga policia e shteti. Unë mendoj që lajmet e para që dolën fillimisht rreth kësaj ngjarje ishin kontradiktore. Dhe nga të gjitha përgjigjet që vijnë ju me të drejtë thoni se bëhen pyetje dhe nuk merr përgjigje. Klori është një substancë, një element kimik, i cili përdoret gjerësisht si në industrinë ushqimore ashtu dhe në industrinë e lëndëve të tjera prodhuese me baze kripën apo acidin.

Dhe në ujë në gjuhën popullore themi ka klor, sepse hidhet në një sasi të caktuar për të luftuar mikrobakteret. Pra dhe popullata e konsumon ujin me klor për shkak të dezinfektimit dhe kjo nuk përbën ndonjë rrezik për shëndetin . Përmbajtja e lartë e klorit sigurisht që po, dhe nëse ai do të përdorej si një substancë por jo si ujë i holluar me klor atëherë ajo përbën një rrezik. Klori është përdorur edhe në luftën e parë botërore nga Gjermania , si element kimik.

Ndërsa në rastin konkret klori hidhet nëpër pishina, doza e fortë apo e dobët është ajo që është shqetësuese. Nëse përmbajtja e klorit vjen dy herë më e lartë se perceptimi atëherë ajo përbën rrezik dhe mund të përbëjë një element asfiksimi . Jo deri në humbje jete, por janë elemente shqetësuese. Por asfiksia ndodh gjithmonë në ambiente të mbyllura, kur ka rënë një zjarr dhe të gjitha rrugët për të dale janë të bllokuara . Por në rastin në fjalë ngjarja ka ndodhur në një ambient komod pra në një hotel. Dhe si është e mundur që të jenë bllokuar rrugët ai të ketë ndjerë shqetësimin dhe të katërt në të njëjtën kohë kanë një asfiksi. Kur mashkulli dhe femra dallohen për nga rezistenca pra duhet ti ndodhte njërit dhe pastaj tjetrit, si dhe nuk është thënë që u gjetën pranë njëri tjetrit, për ti dhënë ndihmë me asfiksinë ose të tentonin për të dale nga ky ambient.

Pra, edhe për këtë unë mendoj se nuk qëndron si pistë se ka qenë klori apo gazi. Nëse klori ose gazi nuk është në ato nivele të larta atëherë përjashtohen këto pista dhe ngelen edhe pistat e tjera ashtu siç me të drejtë edhe prokuroria e qytetit të Kavajës e ka marrë si vrasje në rrethana të cilësuara . Duhet të ndjekim disa elementë duke filluar që nga ardhja e tyre nga Maqedonia , kush ka qenë grupi i tyre shoqërues , kontaktet e tyre , mesazhet , emailet , komunikimet zanore nëpërmjet rrjeteve sociale që të vërtetojmë kush ka qenë stafi shoqërues dhe kronologjia e tyre. Nëse ka pasur një ngjarje edhe për vdekjen e një polaku duhet të ishte analizuar si ngjarje”, u shpreh eksperti i ftuar në edicionin e lajmeve në Dritare TV.

Shfaq më shumë
//nessainy.net/4/3473483