Bota

Mijëra xhami u shembën vitet e fundit

Mijëra xhami në Xinjiang janë dëmtuar ose shkatërruar në vetëm tre vjet, duke lënë më pak në rajon se në çdo kohë që nga Revolucioni Kulturor, sipas një raporti mbi shtypjen kineze të pakicave myslimane.

Sipas The Guardian, përcjell Telegrafi, zbulimet kanë dalë nga një projekt i gjerë i të dhënave nga Instituti Australian ASPI, i cili përdori imazhe satelitore dhe raportime në tokë për të hartuar ndërtimin e gjerë dhe të vazhdueshëm të kampeve të paraburgimit dhe shkatërrimin e vendeve kulturore dhe fetare në rajonin veri-perëndimor.

Organizata ka thënë se pretendimet nga qeveria kineze se kishte më shumë se 24,000 xhami në Xinjiang dhe se ishte e përkushtuar në mbrojtjen dhe respektimin e besimeve fetare nuk u mbështetën nga gjetjet, dhe vlerësoi se më pak se 15,000 xhami mbetën – me më shumë se gjysmën e atyre të dëmtuara deri diku.

“Ky është numri më i ulët që nga Revolucioni Kulturor, kur kishin mbetur më pak se 3,000 xhami”, tha raporti.

U zbulua gjithashtu se rreth dy të tretat e xhamive të zonës ishin prekur dhe rreth 50% e vendeve të mbrojtura kulturore ishin dëmtuar ose shkatërruar, duke përfshirë shkatërrimin total të Ordam mazar (Tempulli), një vend i lashtë pelegrinazhi që daton në shekullin e 10-të.

Që nga viti 2017, rreth 30% e xhamive ishin shkatërruar dhe 30% të tjerë ishin dëmtuar në një farë mënyre, duke përfshirë heqjen e tipareve arkitektonikë të tilla si minaret ose kupola, tha raporti.

Ndërsa shumica e vendeve mbetën si pjesë të zbrazëta, të tjerët u kthyen në rrugë dhe parkime makinash ose u shndërruan për përdorim bujqësor, tha raporti. Pekini është përballur me akuza të vazhdueshme – të mbështetura nga prova të shumta – për abuzime masive të të drejtave të njeriut në Xinjiang, duke përfshirë internimin e më shumë se një milion ujgureve dhe turqve myslimanë në kampet e paraburgimit, ekzistencën e të cilave fillimisht e mohoi para se të pretendonte se po trajnoheshin dhe rivendoseshin qendrat arsimore.

Leave a Reply

Your email address will not be published.

This site uses Akismet to reduce spam. Learn how your comment data is processed.