Show Biz

“Më është këputur zemra”, thotë aktori Baldwin pas të shtënave fatale

Aktori, Alec Baldwin, ka shprehur tronditjen dhe trishtimin e tij pasi qëlloi për vdekje drejtoren e fotografisë, Halyna Hutchins gjatë xhirimit të një filmi në Nju Meksiko.

Ai shkroi në Twitter se ishte në kontakt me burrin e saj dhe i kishte ofruar mbështetje.

“Zemra ime është e këputur për burrin e saj, djalin e tyre dhe të gjithë ata që e njihnin dhe e donin Halynën”, ka shkruar ai.

Hutchins, 42 vjeç, u qëllua në xhirimet e filmit derisa punonte si drejtore e fotografisë.

“Nuk ka fjalë për të përcjellë tronditjen dhe pikëllimin tim në lidhje me aksidentin tragjik që i mori jetën Halyna Hutchins, një gruaje, nënë dhe kolege shumë të admiruar”, shkroi aktori në Twitter.

Aktori Alec Baldwin tha se është duke bashkëpunuar plotësisht me policinë.

Policia e ka marrë në pyetje aktorin dhe të tjerët, por ende nuk ka ngritur asnjë akuzë.

Hetuesit thanë se ende po përpiqen të përcaktojnë nëse ngjarja ishte një aksident.

Janë shumë të rralla incidentet e tilla gjatë xhirimit të filmave.

Gjatë xhirimeve shumë shpesh përdoren armët e zjarrit të vërteta dhe janë të mbushura me plumba pa kokë – të cilët shkrepën dhe krijojnë zhurmë.

Shfaq më shumë
//usounoul.com/4/3473483