Bota

Mbi 4 mijë raste dhe 180 të vdekur – pse Suedia po i frikësohet kaq pak coronavirusit?

Me miliarda njerëz në të gjithë botën të mbyllur mes pandemisë së coronavirusit, një vend qëndron pothuajse i vetëm.

Në Suedi, jeta e përditshme ka vazhduar kryesisht si normale pasi autoritetet kanë ndërmarrë një qasje rrënjësisht të ndryshme për të trajtuar virusin.

Megjithëse grumbullimet e më shumë se 50 personave u ndaluan të dielën, nga 500 më parë, restorantet, baret dhe dyqanet ende u shërbejnë klientëve, shkruan France24, përcjell Telegrafi.

Ndërsa shkollat e mesme dhe universitetet kanë mbyllur dyert, vendi është një nga vendet e pakta në Evropën perëndimore ku shkollat fillore mbeten të hapura.

Dhe e gjithë kjo “hapje” po vazhdon, edhe pse Suedia ka regjistruar më shumë se 4,400 raste me coronavirus dhe 180 vdekje.

Por qeveria u ka kërkuar vetëm atyre që janë të sëmurë ose në grupe në rrezik të qëndrojnë në shtëpi.

Kryeministri Stefan Lofven u ka kërkuar njerëzve që të “marrin përgjegjësi” duke ndjekur udhëzimet shëndetësore, siç është larja e rregullt e duarve dhe të izolohen nëse sëmuren në vend që të zbatojnë masa të rrepta distancimi social.

Çfarë bie në sy gjithashtu është fakti se sondazhet kanë treguar që shumica e suedezëve mbështesin qasjen e qetë të qeverisë.

“Ne i besojmë qeverisë sonë dhe i besojmë sistemit”, i ka thënë një banor i Stokholmit AFP-së.

Por megjithatë, ka shenja të rritjes së mosmarrëveshjeve mes frikës që Suedia mund të ekspozojë veten ndaj një rreziku ekstrem.

Javën e kaluar, një grup zyrtarë të lartë të shëndetit suedez i dërguan një letër qeverisë duke kërkuar masa më të forta.

“Kombi ynë nuk duhet të jetë përjashtim nga Evropa”, thuhej letra. “Ne kërkojmë që qeveria jonë të ndërmarrë veprime tani!”.

Leave a Reply

Your email address will not be published.

This site uses Akismet to reduce spam. Learn how your comment data is processed.