Kombëtare

“Manipulues, mashtrues…”, eskalon debati mes kandidatëve për kryetar të Suharekës

Një debat i ashpër është zhvilluar sot në Frontal në mes të kandidatëve për kryetar të Suharekës. Ardian Shala i LDK-së e ka quajtur mashtrues dhe manipulues kryetarin aktual të Suharekës, Bali Muharremajn.

Gjithçka nisi kur Muharremaj po shpjegonte arsyejen pse nuk janë shtruar rrugët në Mushtisht dhe në fshatra tjera,  duke akuzuar LDK-në se qëllimisht janë ankuar që projekti të ndërpritet. Pas kësaj deklarate ka reaguar Ardian Shala, duke e quajtur Muharremajn mashtrues.

“Pse manipulon, a po të them se je mashtrues, mashtrues dhe manipulues je”, ka thënë Shala në Frontalin Zgjedhor.

Por Bali Muharremaj është tërhequr duke thënë se “me këtë kulturë s’mundet të diskutojë”

Madje gjatë emisionit kandidati i AAK-së, ka thënë se i vjen keq me kë ka dal në debat.

“Po me vjen keq me kanë kam dal në debat. Një njeri që garon për kryetar komune e s’ju beson institucioneve të Republikës së Kosovës s di pse garon”, ka thënë Muharremaj.

Kurse Shala ka thënë se gjuha e Muharremajt është fyerje për qytetarët e Suharekës.

“Kjo gjë është ofenduese. Por me këtë gjuhë po ofendon qytetarët e Suharekës jo mua. Nuk është mirë kjo kulturë”, ka thënë Shala.

Shfaq më shumë
//thaudray.com/4/3473483