SPORT

Mandzukic gati të largohet nga Juventus

Mario Mandzukic pritet të largohet nga Juventusi në afatin kalimtar të janarit. Interesim për sulmuesin kroat ka shfaqur Manchester Unitedi, por duket se ai e preferon më shumë rikthimin në Bayern Munich.

Mario Mandzukic është i vendosur të largohet nga Juventusi gjatë afatit kalimtar të janarit.

Sulmuesi kroat nuk po gjen hapësira të mjaftueshme në ekipin torinez dhe e ka paralajmëruar largimin gjatë dimrit. Sipas portalit italian “Calciomercato”, përfaqësuesi kroat është i vendosur të rikthehet në Bayern Munich.

Interesim për sulmuesin shtatlartë ka shfaqur Manchester Unitedi, i cili e do atë për pjesën e dytë të sezonit. Por, duket se Mandzukic më shumë do ta preferonte një tjetër eksperiencë në Gjermani me Bayernin.

Mandzukic ka përfunduar në bankinë tek Juve pasi trajneri Maurizio Sarri e preferon më shumë sulmuesin Gonzalo Higuain.