SPORT

Majlinda Kelmendi ka ditëlindjen, Driton Kuka: Ajo është dhuratë e Zotit për popullin shqiptar

Majlinda Kelmendi ka sot përvjetorin e 28 të lindjes dhe ka një arsye të madhe për të festuar.

Xhudistja shqiptare karrierën sportive e filloi në moshën tetëvjeçare, në qytetin e lindjes në Pejë.

Për karrierën e suksesshme dhe fitimin e disa medaljeve duke përfshirë edhe atë olimpike u përkujdes trajneri Driton Kuka.

Ky i fundit ka zgjedhur rrjetet sociale për ta uruar margaritaren e tij, duke thënë se ajo është emblema më e mirë e shqiptarëve.

“Urime Majlinda, rrofsh edhe 100 vite të tjera. Kampionja jonë olimpike sot feston ditëlindjen! Me punë si gjithmonë edhe sot. Majlinda emblema më e mirë shqiptare e lirisë sonë të shtrenjtë. E kemi dhuratë nga Zoti për popullin shqiptar për shpresën për një të ardhme. Krenar dhe mirënjohës tërë jetën”, ka shkruar ai në llogarinë personale në Facebook.

Majlinda në vitin 2014 ishte dekoruar me çmimin “Medalja Presidenciale e Meritave”, të cilën ia dhuroi Presidentja e Kosovës, Atifete Jahjaga.


Leave a Reply

This site uses Akismet to reduce spam. Learn how your comment data is processed.