Bota

Macron iu bën thirrje ShBA-ve të heqin ndalesat e eksportit të vaksinave

Presidenti i Francës, Emmanuel Macron, iu ka bërë thirrje Shteteve të Bashkuara të Amerikës që të heqin dorë nga kufizimet në eksportin e vaksinave kundër COVID-19.

Deklarata e tij vjen pas një ndarje midis disa pjesëve të e Evropës dhe ShBA-së rreth asaj se si duhet të rritet më mirë prodhimi global i vaksinave.

Aktualisht, rreth 1.25 miliardë doza janë administruar në të gjithë botën, shkruan BBC, transmeton Klan Kosova.

Megjithatë, më pak se një përqind e dozave u janë dhënë 29 vendeve më të varfra të botës, sipas agjencisë së lajmeve AFP.

Këtë javë, ShBA-ja më shumë se 250 milionë doza i ka administruar deri më tani. Ky plan për prodhimin masiv të vaksinave kundër COVID-19 e ka mbështetjen edhe të Organizatës Botërore të Shëndetësisë (OBSh) dhe Papa Françeskut.

Macron ka bërë të ditur se rritja e eksportit dhe prodhimi masiv i vaksinave, janë mënyra më e mirë për të zgjidhur krizën e COVID-19.

“Çelësi për të prodhuar vaksina më shpejt për të gjitha vendet e varfra ose vendet e ndërmjetme është të prodhosh më shumë,” u tha Macron, udhëheqësve të Bashkimit Evropian në një takim virtual në Portugali, të shtunën.