OPINION

Lojërat politike në kohën e pandemisë..!

Shkruan: Skënder MULLIQI
“Është serioze. Që nga uniteti gjerman, jo, që nga Lufta e Dytë Botërore, nuk ka pasur një sfidë për vendin tonë, që ka aq shumë rëndësi për veprimin tonë të përbashkët të solidaritetit”, thotë kancelarja Merkel në adresën e saj, pas goditjes së pa pritur nga pandemia e Koronavirusit.

Lexues të nderuar e fillova këtë shkrim më thënien e zonjës së hekurt, kancelarës së Gjermanisë, Angela Merkel, për faktin së në çfarë niveli të lartë është vetëdija e popullit gjerman, në këtë rast të zonjës Merkel, kur është në pyetje mbrojtja e popullit nga pandemia.

Shqiptarët nuk janë popull më numër sa janë gjermanet, por sigurisht së jemi nder popujt më të lashtë në Evropë. Kjo traditë e mirë sikur nuk po na bën punë dhe nuk po shfrytëzohet historikisht. Se po na dalin në krye për të na udhëhequr të paditurit, gjysmë analfabetët dhe zhvatësit e pronës shoqërore. Puna dhe veprimet e tyre janë histori e gjatë, dhe sigurisht  hiq e ndritur karshi shtetit dhe kombit.

T’i kthehem temës e cila është aktuale në Kosovë. Kur pandemia ka marrë përmasa shqetësuese në botë, në Kosovë rastet e kësaj pandemie nuk janë të shumta. Dhe, kur pritej që kjo gjendje të na bën unik të gjithëve, e para së gjithash drejtuesit e shtetit më të ri në Evropë, kjo nuk po ndodhë për fatin tonë të keq. Dihet së edhe ky koalicion ishte i “zorit”, për shkak të dallimeve të mëdha programore ndërmjet LVV dhe LDK. Njëra parti e krahut të qendrës së majtë, kurse LDK e krahut të djathtë politikë.

Dallimet programore dhe dallimet ideologjike ishin të mëdha, të cilat bën që koalicioni të zgjatët më muaj të formohet, dhe nga pykat që ju bëheshin nga ata që e humbën pushtetin. Kjo ishte e para dhe qenësorja për mua.

Tjetër. Disa nga LDK-ja, duket së janë të lidhur  më biznese të ndryshme më PAN, dhe kjo ishte pengesë e madhe, që ky koalicion të shkon deri në fund. Thënë të drejtën nuk kemi dashur të besojmë shumë, që do të ndodhë që ky koalicion mos të funksionon deri në fund të mandatit edhe përkundër këtyre dallimeve. Pse nuk kemi dashur të besojmë? Së në pyetje ishin ndryshimet e proklamuara gjatë fushatës zgjedhore, për çka edhe dolën të parat në këtë garë LVV dhe LDK më një përqindje shumë të ngushtë.

Njerëzit ju gëzuan kësaj fitoreje si fëmijët, duke ju shtuar shpresat e humbura nga keqqeverisjet e kaluara.

Ju shtuan shpresat së do të kemi ndryshime pozitive në këtë vend të lodhur nga zhvatja dhe hajnit e pa shembullta, të lodhur nga skami dhe mjerimi social për një shtet të vogël siç është Kosova. Populli është lodhur së tepërmi nga këto lojëra të pashembullta të kësaj klase politike të degraduar dhe lakmitare për të mira materiale dhe për pushtet absolut. Shumica po jetojnë keq.

Të rinjtë nga pa perspektiva e kanë marrë botën në sy. Qeveria e re, ishte shpresa e fundit për kthimin e besimit të humbur në institucionet e shtetit

të kapura fortë për gryke.

Qeveria Kurti punën e filloj mirë. Fillojë më ndryshime që premtuan së gjerat do të shkojnë për së mbari. Por, ata që zbritën nga pushteti pas një periudhe të gjatë nuk lanë gurë pa lëvizur që ky koalicion të marr fund. Dhe, kjo po ndodh në momentin kur Kosova e varfër po përballët më gjendjen e pandemisë, e cila e ka shqetësuar mbarë botën.

Largimi nga posti i Ministritë të Punëve të Brendshme, Agim Veliut, ishte vetëm pretekst duket për prishje të koalicionit, së në pyetje, është dialogu më Serbinë dhe plani siç po thuhet që një kohë të gjatë në opinion për ndarje etnike të Kosovës.

Kur pritej unifikimi që të punojnë në menaxhimin e situatës të shkaktuar nga pandemia COVID-19, politikanët e Kosovës po keqpërdorin pushtetin e tyre politik për të krijuar drama dhe pasiguri në një kohë kur vendi duhet të jetë i mobilizuar më shumë së kurrë më parë, karshi pandemisë së virusit.

Kryeministri Kurti është ngutur pak më largimin e Veliut nga posti edhe pse më të drejtë. Por, për shkak të situatës është dashur, që të tregohet pak më tolerant, që jo tash t’i jepet rasti skenarit për rënien e qeverisë, duke ja forcuar pozitën presidentit pa të drejtë kushtetuese.

Në anën tjetër Isa Mustafa, i cili ka përvojë në politikë, edhe pse ka ndodhur shkarkimi i Veliut, reagoi në mënyrë më të keqe të mundshme, duke kërkuar mocion për rrëzimin e qeverisë.

Presidenti, Hashim Thaçi, kërkojë pa ndonjë bazë futjen e gjendjes së jashtëzakonshme, dhe kësaj thirrjeje ju nënshtrua edhe Mustafa Presidenti sikur e shfrytëzojë momentin delikat për ta instrumentalizuar rënien e qeverisë bashkë më opozitën dhe disa në krye të LDK-së. Dikush edhe mund të thotë së LVV po ka synime që ta ‘asgjëson’ politikisht LDK-në.

Nëse ka ndonjë të vërtetë këtu, e që pak është për tu besuar, atëherë më mirë në pushtet, bashkë më VV për të mirën e shtetit të Kosovës, së të ulët LDK në prehrin e Thaçit sa herë që ai e kërkonte i cili më mjeshtri e ka shfrytëzuar LDK-në, për arritjen e qëllimeve të tija politike.

Kështu siç është vepruar pikërisht në këtë situatë kur po përballemi me pandeminë e shekullit, nuk do të kishte vepruar asnjë udhëheqës serioz diku tjetër, as në Afrikë! Vërtetë me këto veprime në vazhdimësi të kësaj kaste politike, po tregohemi para botës demokratike së nuk kemi lidhje së çka është shteti. Dhe, drojë shumë së kjo situatë tash më shumë së kurrë do të provokojë zbrazjen e Kosovës. Për përgjegjësi nuk po flasë së askush nuk mori përgjegjësi deri më sot, e shumë të liga na ndodhën para syve tanë.

Kjo klasë politike moti është përshëndetur nga përgjegjësia dhe nga morali politik. Kanë mbetur të pa prekshëm besa edhe nga ligji!

Turpi thotë një fjalë e popullit nuk qelë varrë askënd…!

Leave a Reply

This site uses Akismet to reduce spam. Learn how your comment data is processed.