SPORT

Kush guxoi ta ofendonte Ibran me fjalët: “Oj hundë e madhe!”

Marcos Rojo, mbrojtës i Manchester Unitedit i huazuar në Estudiantes, ka thënë se ka qenë afër të grushtohej me Zlatan Ibrahimovicin gjatë një seance stërvitore.

Marcos Rojo dhe Zlatan Ibrahimovic luajtën së bashku për një sezon e gjysmë në Old Trafford. Suedezi u largua nga Manchester Unitedi në janar të vitit 2018, ndërsa muajin e kaluar edhe Rojo e la Old Trafford dhe kaloi si huazim në Estudiantes.

“Zlatan ka karakter të fortë, për këtë më kishte paralajmëruar edhe Ezequiel Lavezzi. E dija se ai dëshironte t’ia gjuanim gjithmonë topin. Por, gjatë një ndeshje, e pashë se ai e kërkoi topin, por unë ia pasova Paul Pogbas”, ka thënë Rojo.

“Ai filloi të më bërtasë, e ngriti dorën dhe më tha shumë gjëra anglisht dhe spanjisht. Unë i thashë: “Çka ke oj hundë e madhe? Mbylle gojën”. E dija se do të më vriste po të më zinte, kështu që e vetmja gjë që mund ta bëja ishte të ballafaqohesha me të”.

“Kur ne hymë në zhveshtore, unë menjëherë i thashë atij ta mbyllë gojën dhe të mos bërtasë. Ne filluam ta ofendojmë njëri-tjetrin dhe bashkëlojtarët tanë po na shikonin. Në mes, Jose Mourinho po tentonte të na qetësonte të gjithëve”. /Gazeta Express/