SPORT

Kush është trajneri që u prezantua te lojtarët nëpërmjet aplikacionit “Zoom”?

Jose Ramon Sandoval ka qenë trajner i skuadrës Fuenlabrada për 11 javë, por nuk e ka udhëhequr ekipin për asnjë ndeshje të vetme. Ai nuk e ka udhëhequr në asnjë seancë të plotë stërvitore ekipin nga kategoria e dytë e Spanjës, mezi ka takuar lojtarët e tij dhe kurrë nuk u prezantua para mediave, lëre më para tifozëve, shkruan “The Guardian”.

 Sikurse të gjithë të tjerët, edhe trajneri Sandoval ka vuajtur mbylljen nga koronavirusi dhe pranon se ishte një kohë shumë e vështirë.

Sandoval, trajneri që u prezantua te lojtarët nëpërmjet aplikacionit “Zoom”

Por, tani kur ekipi është rikthyer në fushë për t’u stërvitur pas një pauze të detyrueshme që nga muaji mars, trajneri Sandoval është pothuajse ndër të vetmit që tërë kohën e mbanë maskën në fytyrë.

“Duket se gjatë mbylljes e kam perfeksionuar mbajtjen e maskës. Ka qenë një periudhë e vështirë për të gjithë, por më shumë për mua”, pranon Sandoval.

Sandoval sapo kishte kapërcyer një operacion të hernisë kur Fuenlabrada, ekip që gjendet në periferi të Madridit, e thirri. Ai kishte qenë pa punë për 16 muaj, që kur ishte larguar nga ekipi i Cordobas. Emërimi i tij te Fuenlabrada u njoftua më 11 mars dhe atë mbrëmje ai ishte në klub vetëm për ta firmosur kontratën. Njoftoi të gjithë se të nesërmen do të niste puna e tij në fushë me ekipin, por vetëm 15 orë më vonë gjithçka shkoi keq. Në ditën kur Sandoval kishte paralajmëruar stërvitjen, ekipet e futbollit në mbarë Spanjën iu kërkuan të gjithëve që të qëndrojnë në shtëpi dhe të mos dalin fare për shkak të përhapjes së koronavirusit. Prezantimi i tij u shty: klubi vendosi se nuk ishte koha e përshtatshme për një gjë të tillë. Dy ditë më vonë, shteti dha alarmin dhe njoftoi për mbylljen totale…

Leave a Reply

This site uses Akismet to reduce spam. Learn how your comment data is processed.