Kosova

Kurti: Veseli kolaboracionist i Thaçit për dialogun me Vuçiqin

Kreu i Lëvizjes Vetëvendosje, Albin Kurti, reagoi pas takimit që u zhvillua në mes Thaçit e Vuçiqit mbrëmë në Bruksel.

Ai tha se edhe ky takim u bë pa mandate nga Kuvendi pa platform parimesh e pa ekip negociator, me një njeri pa legjitimitet e pa kredibilitet e pa kompetencë dhe pa autoritet.

“Mbrëmë në Bruksel u zhvillua takimi i tretë i Thaçit me Vuçiqin. Edhe ky takim pa mandat nga Kuvendi, pa platformë parimesh e pa ekip negociator. Nga një njeri pa legjitimitet e pa kredibilitet, pa kompetencë e pa autoritet. Plani i Serbisë për marrjen e veriut të Kosovës është lakmi shovene e admirim nostalgjik për Gjermaninë naziste gjatë Luftës së Dytë Botërore. 75 vjet më vonë, Serbia e do pjesën e Kosovës që ishte nën Gjermaninë e Hitlerit. Kolaboracionisti i saj shqipitar, kësaj radhe është president yni. Por, shekulli është tjetër…”, shkroi Kurti.

Ndër të tjerash Kurti kritikoi edhe Kreun e Kuvendit, Kadri Veselin, të cilin e quajti kolaboracionist të Thaçit në dialog me Vuçiqin.

“Sot, më 9 nëntor, janë bërë katër muaj prej se qeveria na e solli në Kuvend raportin mbi arritjet dhe sfidat në zbatimin e marrëveshjeve të Brukselit. Mirëpo, Kryetari i Kuvendit dhe veglat e tij në kryesi aty, nuk e dëshirojnë shqyrtimin dhe vlerësimin e dialogut 2011-2017, marrëveshjet e bëra dhe rezultatet e tyre. Që prej 9 korrikut 2018, ai nuk do që ta fus në agjendë parlamentare e ta sjellë në seancë plenare këtë raport të qeverisë. Ky kryeparlamentar është kolaboracionist i kolaboracionistit”, shkroi Veseli në Facebook. /Kosova.info/

//graizoah.com/afu.php?zoneid=3473483