Rajoni

Kur do të mbahen zgjedhjet e jashtëzakonshme në Maqedoninë e Veriut, tregon Mançevski?

Nënkryetari i LSDM-së, Damjan Mançevski thotë se “gjendja e jashtëzakonshme në vend është vazhduar për 14 ditë, por nëse nuk ka vazhdim të serishëm, s’kemi zgjidhje, ligji është i qartë, zgjedhjet duhet të mbahen më 5 korrik”.

Ai tha se duhet të shkojmë në zgjedhje me konsensus të të gjitha subjekteve politike dhe se opozita maqedonase ikë nga zgjedhjet, për shkak se, sipas tij, rejtingu tregon LSDM-në të parën, njofton Telegrafi Maqedoni.

Sipas tij, data e zgjedhjeve nuk është më pirmare, por përgatitja e protokolleve për organizim të zgjedhjeve, protokoll për fushatë zgjedhore.

Ai shtoi se ne jemi i vetmi vend në botë që nuk ka Kuvend, kemi Qeveri teknik dhe se kjo nuk duhet të ndodhë përjetësisht.

“BE më 14 qershor duhet ta thotë kornizën e bisedimeve me shtetin tonë, ndërsa mospasja e Kuvendit anulon ato procese”, tha Mançevski.