Kosova

Kryhet takimi Kosnett- Mustafa, s’flet askush për media

Ka përfunduar takimi i ambasadorit amerikan, Philip Kosnett, me drejtuesit e Lidhjes Demokratike të Kosovës. Deri më tani, askush nga partia e Isa Mustafës nuk ka folur rreth këtij takimi.

Kosnett sot ka qëndruar në selinë qendrore të LDK’së, ku është takuar me kreun e partisë, Isa Mustafën si dhe figurat kryesore të kësaj partie

Tema e diskutimit në këtë takim ka qenë arritja e marrëveshjes së koalicionit në mes të LDK’së dhe VV’së.

Ndërkaq, deri më tani, askush nga LDK’ja nuk ka treguar se çka saktësisht është biseduar në takimin me Kosnett’in.

Në selinë e LDK-së sot është parë duke hyrë edhe ish-shefi i misionit të OSBE-së, William Walker.

Ndërkombëtarët në vazhdimësi kanë bërë thirrje për krijim sa më të shpejtë të qeverisë së re.

LV dhe LDK në anën tjetër ende nuk janë marrë vesh për bashkëqeverisje, teksa, së fundmi është bërë e ditur se janë vënë në tavolinë të diskutimit edhe oferta të reja nga të dy partitë.

Shfaq më shumë

Lini një Përgjigje

Adresa juaj email s’do të bëhet publike.

//oackoubs.com/4/3473483