KULTURË

Kryeqytetit tonë nga data 17 shkurt do t’i shtohet dhe një orkestër, ajo është Prishtina Big Band

Kryeqytetit tonë nga data 17 shkurt do t’i shtohet dhe një orkestër, ajo është Prishtina Big Band dhe përbëhet nga 18 instrumentistë.

Sipas njoftimit më 17 shkurt me fillim në ora 20:00 në Armata, do të mbahet koncerti i Prishtina Big Band për nder të 12 vjetorit të pavarësisë së Kosovës.

“Ky është koncerti i fundit në edicionin 4 të Kosova Brass Festival dhe mbahet nën patronatin e Komunës së Prishtinës. Kosova Brass Festival si qëllim permanent ka promovimin e instrumentistëve vendor të tunxhit por dhe instrumentistëve në përgjithësi. Në përfundim të edicionit të 4 ka kënaqësinë që në bashkëpunim me Komunën e Prishtinës të ju prezantojë për herë të parë orkestrën ‘Prishtina Big Band’ me koncert dhe program premierë në kryeqytet”, thuhet në njoftim.

Bëhet e ditur se pjesë dhe performues të Prishtina Big Band do të jenë disa nga instrumentistët më të mirë në vend, ndërkaq organizatorë të koncertit dhe Kosova Brass Festival janë Betim Krasniqi dhe Avni Krasniqi.