Kosova

Kryeqyteti përballet me vërshime, ujërat e zeza shpërthejnë mbi sipërfaqe

Kompania Rajonale e Ujësjellësit “Prishtina” ka njoftuar rreth situatës së krijuar pas vërshimeve që e bllokuan një pjesë të qytetit – shkruan Kosova.info

Sipas kompanisë, për shkak të sistemit të vjetër të kanalizimit, çështja e menaxhimit të ujërave të zeza është një problem në vetvete.

Për shkak të kësaj “kjo e rëndon dukshëm gjendjen”.

Ja reagimi i plotë:

Vërshimet në qytetin e Prishtinës pas reshjeve atmosferike dhe çështja e ujërave fekale ( kanalizimeve ) ,

Prishtinë, 5 gusht – Linjat e Kanalizimit ( ujërat fekale ) në qytetin e Prishtinës janë në shumicë linja të vjetra, të cilat janë dimensionuar dhe vendosur shumë kohë me përpara. Sistemet e kanalizimeve janë të përbashkëta ( Atmosferike dhe Fekale ) dhe kjo e rëndon dukshëm gjendjen e funksionimit sidomos në rastet kur ka reshje të vrullshme apo të shumta shiu, siç po ndodhë ditën e sotme. Përderisa, qyteti i Prishtinës pothuajse në çdo lagje ka pësuar ndryshime në ndërtime te larta – objekte banesore – rritje e tejskajshme e numrit të banorëve, është dashtë që autoritetet tjera të intervenojnë edhe në infrastrukturën ekzistuese prandaj, kjo me automatizëm ndikon në ngarkesë më të madhe shkarkuese të sistemit të kanalizimit dhe përmbytje në shumë lokacione brenda qytetit . Ujësjellësi i Prishtinës ka një buxhet të paraparë për investime ( riparim , puseta , zhbllokime, pastrime ) në këtë sektor, gjithsesi ka edhe ekipet profesionale që merren me mirëmbajtjen e sistemeve të kanalizimeve të ujërave të ndotura fekale por assesi nuk mirëmbanë as nuk ndërton rrjeta të kanalizimeve atmosferike pasi që kjo përgjegjësi e autoriteteve të tjera. Ekipet e mirëmbajtjes së rrjetit të kanalizimit të KRU,,Prishtina,, sh.a. janë të gatshëm çdoherë që tu dalin në ndihmë qytetarëve në rastet kur kemi të bëjmë me zhbllokime e pastrime të pusetave të ujërave fekale, por duhet të kihet parasysh që vërshimet pas reshjeve nuk ndodhin për shkak të punës dhe përgjegjësisë tonë!

Ekipet e mirëmbajtjes janë në terren./Kosova.info/

Leave a Reply

This site uses Akismet to reduce spam. Learn how your comment data is processed.