SHËNDETËSIA

Këshilla si të pastroni ushqimet dhe të qëndroni të sigurt në kohë pandemie

Jo të gjithë e preferojnë blerjen online dhe shumica prej tyre janë të detyruar të shkojnë nëpër dyqane apo supermarket.

Pas shpërthimit të pandemisë së COVID-19 janë marrë masa të shumta përfshirë edhe supermarketet.

Shumica e njerëzve janë dyndur për të blerë në sasi të mëdha ushqime e sende kryesore, pasi nuk e dinë se sa do të zgjasë izolimi.

Jo të gjithë e preferojnë blerjen online dhe shumica prej tyre janë të detyruar të shkojnë nëpër dyqane apo supermarket.

Supermarketet janë vende me punë, të mbushura me produkte të prekura nga një numër i madh njerëzish dhe nisur nga kjo lind pyetja se sa të sigurt jemi kur shkojmë të bëjmë pazar.

A jeton koronavirusi në ushqime?

Sipas faqes së internetit të qeverisë për sigurinë e ushqimit, është shumë e pamundur që të mund të marrësh koronavirusin nga ushqimi.

Sipas “The Independent”, Stephen Baker, një profesor nga Departamenti i Mjekësisë në Universitetin e Kembrixhit tha se megjithëse është e mundur që virusi të mund të mbijetojë në ushqim siç do të vepronte në sipërfaqe të tjera, ai vdes shumë shpejt.

Sa rrezik paraqet paketimi i produkteve?

Sipas Organizatës Botërore të Shëndetit, rreziku i kapjes së virusit që shkakton Covid-19 nga një paketim që është zhvendosur, lëvizur dhe ekspozuar ndaj kushteve dhe temperaturave të ndryshme është gjithashtu shumë i ulët.

A duhet të pastroni ushqimin ose paketimin tuaj?

Pavarësisht nga rreziku i ulët i ndotjes, nëse ndjeheni veçanërisht të shqetësuar për mundësinë e përhapjes së virusit në paketimin e ushqimeve, mund të përdorni peceta antibakteriale ose  spray dezinfektues përpara se t’i ruani në dollapët apo frigoriferët tuaj.

Duke folur për BBC, profesori Sally Bloomfield nga Shkolla në Londër e Higjienës dhe Mjekësisë Tropikale, shpjegoi se nëse njerëzit janë të shqetësuar ata mund të ruajnë produkte për 72 orë para përdorimit të tyre ose ti pastrojnë me dezinfektues ose zbardhues apo klor të holluar.

 Kur bëhet fjalë për prodhime të freskëta, siç janë frutat dhe perimet, mos përdorni produkte që përmbajnë ndonjë kimikat për t’i pastruar ato.

Blerjet nëpër dyqane dhe supermarkete

Vizitat në supermarkete paraqesin njëfarë rreziku ndërsa jeni duke u përzier me individë të tjerë përreth jush që mund të jenë të infetkuar. Në këtë rast, është e rëndësishme t’i përmbaheni udhëzimeve të qeverisë për distancimin shoqëror duke siguruar që të qëndroni të paktën dy metra larg të tjerëve.

Kjo këshillë vlen si brenda dyqanit, ashtu edhe në hapësirën e jashtme publike, ku mund t’ju duhet të rrini në rradhë.

Konsumatorët gjithashtu mund të zgjedhin të kompensojnë çdo rrezik shtesë duke larë duart para dhe pasi të shkojnë në supermarket, duke shmangur prekjen e fytyrave të tyre pas prekjes së karrocave, shportave, paketave dhe prodhimeve e duke përdorur metodat e pagesës pa kontakt.

Shumë njerëz gjithashtu zgjedhin të veshin doreza ndërsa blenë, megjithatë është e rëndësishme të theksohet se duke vepruar kështu nuk ju ndalon të prekni dorezat e karrocave dhe më pas të prekni fytyrën tuaj, gjë që mund të transmetojë virusin edhe pse jeni me doreza.

Leave a Reply

This site uses Akismet to reduce spam. Learn how your comment data is processed.