Kërkohet pronari i çantës me ari në Zvicër

Gjersa shumë prej neve kemi lënë diçka në tren, telefonin kuletën, dëgjueset, vështirë se keni ikur nga platforma duke lënë përmbas një çantë plot me ari.

Mirëpo kështu i ka ndodhur një personi në shtetin e pasur të Zvicrës, dhe autoritetet do të donin ta gjenin pronarin, shkruan BBC.

Andaj po bëjnë përpjekje të mëdha për të ardhur deri tek pronari i më shumë se tre kg ari që u gjetën në një vagon treni tetorin e kaluar.

Ari, që ka vlerën rreth 191,000 dollarë, ishte gjetur në një tren në mes qyteteve St Gallen dhe Lucerne.

Pronari i ka pesë vjet për të rimarrë pasurinë të zyra e prokurorit në Lucerne, u tha në një deklaratë zyrtare.

Ky zbulim nisi të bëhet publik pasi që përpjekjet për të gjurmuar pronarin ishin të pasuksesshme.

Sidoqoftë nuk është e qartë se si autoritetet do të verifikojnë pohimet e personave të cilët shfaqen dhe thonë se ari është i tyre, transmeton KOHA.