Bota

Karvani i ushtrisë amerikane “luan” me një mjet të blinduar rus (Video)

Ngjarja ka ndodhur në Siri. Aktualisht nga atje raportohet për luftime të ashpra.

Lufta në Siri është egërsuar shumë gjatë muajve të fundit teksa ushtria e Asad po rimerr nga rebelet zonën e fundit të mbetur në duart e tyre, qytetin e Idlibit.

Nisur nga tensioni si edhe interesat e fuqive të mëdha, në Sirinë e Veriut gjenden një numër i madh ushtrish, siç është ajo e Turqisë, elementë të ushtrisë amerikane si edhe Rusia. Rivaliteti SHBA-Rusi është i njohur dhe kjo është duke u reflektuar edhe në Siri.

Së fundmi, në rrjetet sociale është duke qarkulluar një video nga veriu i Sirisë ku një mjet i blinduar i SHBA nxjerr nga rruga një mjet të blinduar të Rusisë, i cili po përpiqej të parakalonte.

Nga luftimet e javëve të fundit në Idlib raportohet se janë shpërngulur 900 000 persona që tani jetojnë në çadra mes të ftohtit dhe bombave.