SPORT

Kampionati në Holandë nuk vazhdon, futbolli ndalohet deri në shtator

Stinori në futbollin profesionist të Holandës përfundimisht ka mbaruar. Kjo është bërë e qartë të martën mbrëma në një konferencë që e ka mbajtur kryeministri i Holandës, Mark Rutte, në të cilën janë paraqitur masat e reja në luftë ndaj koronavirusit.

Kryeministri holandez ka konfirmuar se ngjarje për të cilat kërkohet leje, duke përfshirë edhe ndeshjet e futbollit, janë ndaluar deri më 1 shtator. Një kërkesë të tillë e kishin bërë më herët kryetarët e komunave, raporton Koha.net.

Ndeshjet e futbollit vlerësohen ngjarje për të cilat duhen leje, edhe kur ato luhen pa shikues. Nga Federata e Futbollit të Holandës kanë thënë më herët se ndeshjet e futbollit nuk përfshihen në “ngjarjet me leje”, por nga kabineti i kryeministrit kanë thënë të kundërtën.

Në javët e fundit klube si Ajaxi, AZ dhe PSV kanë qenë në favor të përfundimit të edicionit. Tani Federata do të vendos se si do të përfundoj edicioni.

Shfaq më shumë

Lini një Përgjigje

Adresa juaj email s’do të bëhet publike.

//usounoul.com/4/3473483