Kombëtare

Kamberi i fton shqiptarët të votojnë në zgjedhjet e së premtes: Serbia po vepron sikurse jemi në gjendje lufte

Deputeti shqiptar në Serbi, Shaip Kamberi, ka thënë se zgjedhjet që do të mbahen të premten në Tërnoc janë referendum kundër politikës shtetërore të fshirjes së shqiptarëve.

Kamberi, përmes një postimi në Facebook, ka thënë se pushteti në Serbi e ka vendosur që me çdo kusht të ia pamundësojë shqiptarëve të kenë deputet në kuvendin e Serbisë, duke shtuar se pushteti në Serbi po i fshinë shqiptarët nga institucionet por edhe nga shtëpitë e tyre.

“E PREMTJA ËSHTË REFERENDUM KUNDËR POLITIKËS SHTETËRORE TË FSHIRJES SË SHQIPTARËVE. Se pushteti i SNS dhe SPS në Beograd ka vendosur me ia pamundësuar me çdo kusht shqiptarëve të kenë deputet. Pra, lufta e tyre kundër deputetit shqiptar në parlament është vazhdimësi e politikës së fshirjes së shqiptarëve. Vazhdimësi e pasivizimit të vendbanimeve. I kanë fshirë shqiptarët nga drejtësia, siguria dhe ekonomia. Kanë fshirë flamurin kombëtar shqiptar. Kanë fshirë diplomat e të rinjve. Kanë fshirë punëtorin. I fshijnë shqiptarët nga institucionet. I fshijnë nga shtëpitë e tyre. Jo vetëm nuk përfshijnë shqiptarët në spital, në doganë, në postë, në inspeksione etj. Por i përjashtuan edhe ata pak shqiptarë të mbetur në Medvegjë nga pushteti lokal”, ka thënë ndër të tjera Kamberi.

Ai tutje ka shtuar se, politika e Serbisë për fshirjen e shqiptarëve do të vazhdojë edhe pas zgjedhjeve, kësisoj, Kamberi ka thënë se: “E premtja nuk është dita e fitores së Koalicionit të Shqiptarëve të Luginës së Preshevës dhe aq më pak e imja personalisht. E premtja është dita e Referendumit kundër politikës shtetërore të fshirjes së shqiptarëve”, ka thënë Kamberi.

Postimi i plotë:

E PREMTJA ËSHTË REFERENDUM KUNDËR POLITIKËS SHTETËRORE TË FSHIRJES SË SHQIPTARËVE

Të nderuar qytetarë,

Të premten kemi zgjedhje për herë të tretë në Tërnoc.

Kjo vetëm për një arsye.

Se pushteti i SNS dhe SPS në Beograd ka vendosur me ia pamundësuar me çdo kusht shqiptarëve të kenë deputet.

Së fundi ishte personalisht Ivica Daçiqi ai që e keqpërdori shtetin për t`i përbuzur votat e rreth 700 qytetarëve të Tërnocit, respektivisht të mbi 13.000 shqiptarëve.

Dy herë mobilizuan të gjitha strukturat e shtetit. Policinë, gjykatat, komisionet zgjedhore, ministritë, mediat pro-qeveritare etj. Veprojnë sikurse të jemi në gjendje lufte të pashpallur. Se lufta s’është vetëm e armatosur.

Të dashur tërnocas,

Me rëndësi është të kuptohet se zelli i tyre për ta pamundësuar deputetin shqiptar në Beograd nuk është arsye elektorale. Se një deputet i vetëm nuk ia rrezikon pushtetin. Thjesht është politikë antishqiptare.

Pra, lufta e tyre kundër deputetit shqiptar në parlament është vazhdimësi e politikës së fshirjes së shqiptarëve.

Vazhdimësi e pasivizimit të vendbanimeve.

I kanë fshirë shqiptarët nga drejtësia, siguria dhe ekonomia.

Kanë fshirë flamurin kombëtar shqiptar. Kanë fshirë diplomat e të rinjve. Kanë fshirë punëtorin.

I fshijnë shqiptarët nga institucionet. I fshijnë nga shtëpitë e tyre.

Jo vetëm nuk përfshijnë shqiptarët në spital, në doganë, në postë, në inspeksione etj. Por i përjashtuan edhe ata pak shqiptarë të mbetur në Medvegjë nga pushteti lokal.

Pra nuk do të ndalen me eliminimin e deputetit shqiptar në parlament.

Politika e fshirjes së shqiptarëve është politika e tyre para së premtes. Do të jetë politika e tyre pas së premtes.

Prandaj,

– E premtja nuk është dita e fitores së Koalicionit të Shqiptarëve të Luginës së Preshevës dhe aq më pak e imja personalisht.

– E premtja është dita e Referendumit kundër politikës shtetërore të fshirjes së shqiptarëve.

Andaj ju ftoj të gjithëve, votuesve të vendvotimit në Tërnoc, si dhe të gjithë atyre që mund të kontribuojnë në mënyrë indirekte, kudo që jeni, të ndihmohemi, të mobilizohemi dhe të organizohemi, për t’i thënë JO politikës së fshirjes së shqiptarëve duke votuar numrin 16.

Të premten,

Daçiqi nuk kalon! Tërnoci voton! Shqiptarët fitojnë!

Shfaq më shumë
Back to top button
escort mersin - izmir escort