SHËNDETËSIA

Ka ndodhur një zbulim i ri në sistemin imunitar që “mund të trajtojë të gjitha kanceret”

Një pjesë e zbuluar rishtazi e sistemit tonë imunitar mund të shfrytëzohet për të trajtuar të gjitha kanceret, thonë shkencëtarët.

Kjo pasi që, sipas një shkrimi të BBC, përcjell Telegrafi, ekipi i “Cardiff University” zbuloi një metodë për të vrarë kancerin e prostatës, gjirit, mushkërive dhe të tjera kancere në testet laboratorike.

Gjetjet, të botuara në Nature Immunology, nuk janë testuar te pacientët, por studiuesit thonë se ato kanë “potencial shumë të madh”.

Ndërsa sipas ekspertëve, megjithëse puna ishte akoma në një fazë të hershme, ishte shumë emocionuese.

Por, çfarë kanë gjetur ata?

Sistemi ynë imunitar është mbrojtja natyrale e trupit tonë kundër infeksionit, por gjithashtu sulmon qelizat kanceroze.

Shkencëtarët po kërkonin mënyra “jokonvencionale” dhe më parë të pazbuluara që sistemi imunitar sulmon në mënyrë të natyrshme tumoret.

Ajo që gjetën ishte një qelizë T brenda gjakut të njerëzve. Kjo është një qelizë imune që mund të skanojë trupin për të vlerësuar nëse ekziston një kërcënim që duhet të eliminohet.

Dallimi është se kjo mund të sulmojë një gamë të gjerë kanceresh.

“Ka një shans këtu për të trajtuar çdo pacient”, ka thënë studiuesi Prof. Andrew Sewell për BBC.

Ai shtoi: “Më parë askush nuk besonte se kjo mund të ishte e mundur”.

“Kjo rrit mundësinë e një trajtimi kancerogjeni ‘me një madhësi të përshtatshme’, një lloj të vetëm të qelizës T që mund të jetë në gjendje të shkatërrojë shumë lloje të ndryshme të kancereve”.

Si funksionon një gjë e tillë?

Qelizat T kanë “receptorë” në sipërfaqen e tyre që i lejojnë ata të “shohin” në një nivel kimik.

Dhe sipas shkrimit të BBC, përcjell Telegrafi, ekipi i Cardiff University zbuloi një qelizë T dhe receptorin e saj që mund të gjente dhe të vriste një gamë të gjerë qelizash kancerogjene në laborator, përfshirë qelizat e mushkërive, lëkurës, gjakut, zorrës së trashë, gjoksit, kockës, prostatës, vezoreve, veshkave dhe qelizat e kancerit të qafës së mitrës.

Çfarë është me rëndësi, thuhet se ajo la inde normale të paprekura.

Saktësisht se si e bën këtë ende është duke u eksploruar.

Ky receptor i veçantë i qelizave T ndërvepron me një molekulë të quajtur MR1, e cila është në sipërfaqen e çdo qelize në trupin e njeriut.

Si do të funksiononte kjo dhe çfarë thonë ekspertët?

Ideja është që një mostër gjaku të merret nga një pacient me kancer.

Qelizat e tyre T do të ekstraktohen dhe pastaj do të modifikohen gjenetikisht, kështu që ato u riprogramuan për të bërë receptorin që gjen kancerin.

Qelizat e azhurnuara do të rriteshin në sasi të mëdha në laborator dhe më pas do të futeshin përsëri në pacient. Është i njëjti proces që përdoret për të bërë terapinë CAR-T.

Sidoqoftë, hulumtimi është testuar vetëm te kafshët dhe në qelizat në laborator, dhe më shumë kontrolle sigurie do të duheshin para se të fillonin me testet njerëzore.

Dhe lidhur me këtë, janë deklaruar edhe disa ekspertë.

Lucia Mori dhe Gennaro De Libero, nga Universiteti i Bazelit në Zvicër, thanë që studimi kishte “potencial të madh”, por ishte në një fazë shumë të hershme për të thënë se do të funksiononte në të gjitha kanceret.

Leave a Reply

Your email address will not be published.