KULTURË

I tërthorti

Poezi nga: Paul Verlaine
Përktheu: Muhamed Kërveshi

I TËRTHORTI I

O ti Kurb, dredharak,
Arti ka fshehtësi,
M’shumë fol rrenacak
Se kjo ngadalësi?

Nga po shkoj unë di,
Dua atje të përcjell,
Fati im plot dalldi,
S’të mërzit, të këndell…

(Edhe pse g’zuar
Me krenari jeton
Kjo liri e tepruar
Një ditë e dënon!)

O ti Kurb’ dredharak,
Arti ka fshehtësi
Fjalën pres rrenacak
Një ditë n’qetësi.

I TËRTHORTI II

E çmendur dhe e shëmtuar,
Si bleta punëtore
Buza ime ka l’muar
Veshët mu si shpatore.

Më pëlqen gati prore,
Habia jote e brisht’ pak
Aty s’ka hije mortore
Por dashuri pa kapak

Dhe çfarë befasie sot…
Gjaku yt po zëzëllin.
Un’ i jap vrull si qëmot
Puhisë që psherëtin…

Në glokun tënd të gjatë
Të butë t’art ngjyrë
Shpirti im që me natë
Sheh veten në pasqyrë.

Leave a Reply

Your email address will not be published.