Kosova

Hoti: Qeveria të fokusohet te marrëveshja finale me Serbinë, e jo të kthehet në dialog teknik

Një raport i Zyrës Federale të Statistikave (BFS) për pagat zvicerane hedh dritë mbi disa fakte interesante: raporti tregon edhe sa fitojnë punëtorët e huaj në krahasim me kolegët e tyre zviceranë.

Referuar anketës së BFS-së për Strukturën e Fitimeve të 2018, viti i fundit për të cilin gjenden statistikat zyrtare, paga mesatare mujore në Zvicër është 6,538 franga.

Vlen të theksohet se pagat nuk kanë ndryshuar shumë që nga ajo kohë. Studimi tregon se 10 për qind e të punësuarve me pagën më të ulët kanë fituar më pak se 4,302 franga në muaj, ndërsa 10 për qind më të paguarit, kanë fituar gati 11,700 franga.

Ndërkohë, shifrat e BFS tregojnë gjithashtu divergjencën në paga midis zviceranëve dhe të huajve me leje të ndryshme pune.

Një burrë zviceran fiton 7,500 franga në muaj, një grua zvicerane paguhet pak më shumë se 6,000 për të njëjtën punë.

Po ashtu, një burrë me një leje afatshkurtër fiton rreth 5,000 franga, ndërsa një grua që mban të njëjtën leje do të bëjë pak më shumë se 4,000.

Në fakt, pagesa është pak më e lartë për mbajtësit e lejes B: 5,700 franga për burrat dhe 5,000 për gratë.

Burrat, punëtorë ndërkufitarë me leje G fitojnë afërsisht të njëjtën pagë me mbajtësit e lejeve C – rreth 6,200 në muaj. Por, gratë në ato grupe nuk kanë të njëjtat paga: rreth 5,800 për punëtorët ndërkufitarë dhe 5,000 për banorët e përhershëm.

Kjo mund të jetë sepse kategoria e mëparshme ka aftësitë e nevojshme posaçërisht për tregun e punës të Zvicrës.

Por, cilat janë pagat mesatare zvicerane për profesione të ndryshme?

Pagat ndryshojnë nga një kanton në tjetrin. Në përgjithësi, njerëzit fitojnë më shumë në Gjenevë dhe Cyrih sesa në Ticino, por kostoja e jetesës në këto rajone është përkatësisht më e lartë ose më e ulët.

Në mënyrë tipike, profesionistët si mjekët, avokatët ose inxhinierët, si dhe njerëzit që punojnë në teknologjinë e informacionit, industrinë farmaceutike dhe sektorët e bankave dhe të sigurimeve kanë pagat më të larta.

Nga ana tjetër, punëtorët e pakualifikuar janë ata që paguhen më pak, shpesh të referuar si “të varfër që punojnë”.

Ish-kryeministri i Kosovës nga radhët e LDK-së, Avdullah Hoti, ka reaguar në Facebook pas fillimit të takimit mes grupeve punuese të Kosovës dhe Serbisë në Bruksel, ku pritet të diskutohet për marrëveshjen e targave të automjeteve.

Hoti ka thënë se Qeveria duhet të mbajë fokusin te marrëveshja finale për njohje reciproke, e jo të kthehet në dialog teknik.

Ai ka thënë se në qeverinë e kaluar ka nisur dialogu për marrëveshje finale për njohje reciproke, i bazuar në platformë të parimeve, objektivave dhe vijave të kuqe në dialog.

“Si e tillë, kjo platformë ka qenë kornizë veprimi brenda të cilës është dialoguar. Platforma është dorëzuar tek partnerët tanë ndërkombëtarë para se nisjes së dialogut. Vetëm pas dakordimit me partnerët për pozicionin dhe pritjet e Kosovës nga dialogu, e kemi nisur dialogu me objektiv të vetëm ‘arritje e marrëveshjes finale për njohje reciproke dhe normalizim të marrëdhënieve’”, ka shkruar Hoti.

Tutje, Hoti ka thënë se me veprimet e qeverisë aktuale siç është takimi i sotëm në Bruksel, palët po kthehen prapa në dialog Teknik.

“Për targat nuk ka asgjë çfarë të dialogohet. Marrëveshja për targat ka skaduar më 15 shtator 2021. Një vit më parë, në shtator 2020, në zbatim të marrëveshjes së Brukselit, ish Ministri i Brendshëm Veliu e ka anuluar udhëzimin administrativ për të pamundësuar regjistrimin e automjeteve më tutje bazuar në marrëveshjen e vitit 2016, në mënyrë që përtej datës 15 shtator 2021 të mos ketë në qarkullim automjete të regjistruara sipas marrëveshjes së Brukselit”, ka shkruar Hoti.

Postimi i plotë:

TË MBAHET FOKUSI TEK MARRËVESHJA FINALE PËR NJOHJE RECIPROKE, E JO TË RRËSHQITET NË DIALOG TEKNIK

1.

Në qeverinë e kaluar ka nisur dialogu për marrëveshje finale për njohje reciproke, i bazuar në platformë të parimeve, objektivave dhe vijave të kuqe në dialog. Si e tillë, kjo platformë ka qenë kornizë veprimi brenda të cilës është dialoguar. Platforma është dorëzuar tek partnerët tanë ndërkombëtarë para se nisjes së dialogut.

Vetëm pas dakordimit me partnerët për pozicionin dhe pritjet e Kosovës nga dialogu, e kemi nisur dialogu me objektiv të vetëm “arritje e marrëveshjes finale për njohje reciproke dhe normalizim të marrëdhënieve”. Dhe është bërë progres edhe sa i përket përmbajtjes së marrëveshjes finale, e edhe në kuptim të krijimit të kontekstit përkrahës për marrëveshjen finale tek vendet mos njohëse të Bashkimit Evropian dhe përtej.

2.

Fatkeqësisht, me veprimet e qeverisë aktuale, siç është takimi i sotëm në Bruksel, po kthehemi prapa në dialog teknik.

Për targat nuk ka asgjë çfarë të dialogohet. Marrëveshja për targat ka skaduar më 15 shtator 2021. Një vit më parë, në shtator 2020, në zbatim të marrëveshjes së Brukselit, ish Ministri i Brendshëm Veliu e ka anuluar udhëzimin administrativ për të pamundësuar regjistrimin e automjeteve më tutje bazuar në marrëveshjen e vitit 2016, në mënyrë që përtej datës 15 shtator 2021 të mos ketë në qarkullim automjete të regjistruara sipas marrëveshjes së Brukselit.

Pra, vendimi i qeverisë aktuale për targat ka qenë rrjedhojë e vendimit të qeverisë paraprake dhe i bazuar në Marrëveshjen e Brukselit për lirinë e lëvizjes të datës 14 shtator 2016.

Në shtator 2020, kur e kemi anuluar udhëzimin administrativ të cituar më lartë, ka pasur reagime nga Brukseli ku kërkohej të ri-negociojmë marrëveshjen për targat. Ne kemi refuzuar me arsyetimin se duhet arritur marrëveshja për njohje reciproke, e cila natyrshëm i zgjidh të gjitha problemet teknike në relacion me Serbinë. Refuzimi ynë bazohej në dakordimin e arritur paraprakisht me partnerët se po nisnim dialogun vetëm për njohje reciproke dhe normalizim të marrëdhënieve, dhe se nuk ka dakordim për asgjë derisa të arrihet marrëveshja finale me njohjen reciproke në qendër të saj. Për këtë qëndrim tonin, e kishim në veçanti mbështetjen e Shtëpisë së Bardhë të dhënë përmes disa deklarimeve dhe letrave zyrtare drejtuar Serbisë dhe Kosovës.

3.

Me këtë qasje të qeverisë aktuale po zhvendoset fokusi i dialogut nga “marrëveshja finale për njohje reciproke” në dialog për “çështje teknike”. Ky lloj dialogu, jo vetëm që e prolongon arritjen e marrëveshjes për njohje reciproke, por krijon pritje të tjera tek partnerët ndërkombëtarë sa i përket pozicionit të Kosovës për natyrën e marrëveshjes finale.

Të gjithë duhet ta kemi të qartë se marrëdhëniet me Serbinë nuk normalizohet pa marrëveshje për njohje reciproke. Kur analizohet gjeneza e problemeve të përditshme që na shfaqen në relacion me Serbinë, shihet qartë se ato probleme janë derivat i mungesës së njohjes reciproke.

Shfaq më shumë