Kosova

Hoti: Kjo qeveri është e vendosur për të fuqizuar shtetin ligjor

Kryeministri Avdullah Hoti ka thënë se Qeveria e tij është e vendosur që ta fuqizojë shtetin ligjor.

“Politika nuk duhet të përzihet në drejtësi. Këtë e kemi bërë me vendimet që kemi marr në këta muaj të qeverisjes. Drejtësia duhet ta bëjë punën sipas ligjit, e jo sipas vendimeve të Qeverisë”, ka shkruar ai.

Ai shton se kthimi i ligjshmërisë dhe kushtetutshmërisë në vend duhet të jetë angazhim i të gjithëve.

“Kjo qeveri është e vendosur për të fuqizuar shtetin ligjor. Siguria juridike garantohet vetëm duke respektuar Kushtetutën, ligjet dhe institucionet shtetërore”, ka thënë Hoti.

Ditë më parë ishte pikërisht një vendim i Qeverisë për ta shuar Task-Forcën Antikorrupsion, vendim ky që ka marrë kritika të mëdha nga opozita e ndërkombëtarët.