Kosova

Haziri: Nuk kam besuar që Hoti do të pranonte të propozohej për kryeministër

Nënkryetari i Lidhjes Demokratike të Kosovës, Lutfi Haziri, në emisionin Pressing të T7, ka thënë se nuk ka menduar që i propozuari për kryeministër nga ana e LDK’së, Avdullah Hoti, do të pranonte të propozohej si i tillë.

“Nuk kisha menduar që Hoti do të pranonte të propozohet për kryeministër. Hoti edhe pasi u rrëzua qeveria e Mustafës, ka zbatuar politika opozitare në Kuvend”, është shprehur Haziri.

Ai tha se vet nuk ka pranuar të propozohet për kryeministër.

“Unë nuk kam pranuar të propozohem për kryeministër për shkak se jam kryetar i Gjilanit. Dhe kjo mundësi vjen një herë në jetë, nuk jam prej atyre që pranojnë të bëhen kryeministër vetëm sepse erdhi mundësia”, ka thënë Haziri.

Tutje, Haziri tha se është i gatshëm t’i nënshtrohet shumicës, nëse ajo mendon ndryshe tij.

“Qëllimet e mia politike, i plasoj deri në vendimmarrje. Nëse shumica mendon ndryshe, i nënshtrohem shumicës. Nuk jam tip që bëj zhurmë”, shtoi Haziri.

Haziri tregon pse s’deshi të kandidohet për kryeministër

Nënkryetari i Lidhjes Demokratike të Kosovës, Lutfi Haziri, ka thënë se nuk e ka parë veten si kandidat për kryeministër të vendit në këtë kohë.

“Unë nuk jam politikan i krizave. Nuk funksionoj në kriza”, ka thënë Haziri në natën e së enjtes, në emisionin “Pressing”, në televizionin T7.

Sipas tij, në situatat si aktualja në vend, “vetëm inercioni funksion. Nuk funksionon arsyeja”.

Haziri ka deklaruar se “inatet e mëdha politike s’na lënë të funksionojmë mirë”.

Ai ka thënë se bindjet e tij politike nuk përputhen me qeverinë që pritet të vijë.

“Nuk e shoh politikën oportunitet”, është shprehur Haziri, teksa ka thënë se tri herë deri më tani i është paraqitur mundësia për të dalë si kandidat për shef të ekzekutivit. 

Leave a Reply

This site uses Akismet to reduce spam. Learn how your comment data is processed.