Kosova

Haziri: Dialogu, e vetmja rrugë për zgjidhje të problemit me Serbinë

Nënkryetari i LDK-së, Lutfi Haziri, ka thënë se dialogu është rruga e vetme për zgjidhje në mes të Kosovës dhe Serbisë.

“Ne shpresojmë që të zbatohen detyrat kushtetuese nga bartësit e institucioneve të shtetit, por LDK do të jetë gardian i Republikës. 17 shkurti i 2008 dhe rilindja e kësaj Republike neve na bënë të obligueshëm që me i mbyllë çështjet e hapura dhe e vetmja çështje e hapur në regjion është ajo me Serbinë dhe integrimi i Kosovës me institucionet ndërkombëtare, që përfshinë edhe ato evropiane dhe OKB-në si institucion më i lartë”, është shprehur Haziri.

“Deri aty duhet unitet dhe duhet të gjendet formula dhe njeriu i cili mund t’i bashkojë forcat politike, shumicën e madhe politike, edhe minoritetet pse jo, sepse Kosova është e të gjithëve”.