Haxhiu: Vrasësit të marrin dënimet maksimale dhe meritore

Ministrja e Drejtësisë, Albulena Haxhiu, ka bërë thirrje që vrasësit të marrin dënimet që i meritojnë nga institucionet gjyqësore të vendit.

Ajo, në një konferencë për media, ka deklaruar se fenomeni i dhunës në familje dhe femicidi është bërë shumë i theksuar në vend.

“Është alarmante që shumë individë të shoqërisë tonë e shohin dhunën si rëndomtë në tejkalimin e problemeve të cilat tashmë mund të themi që shpesh herë përfundojnë me fatalitet me vrasjen e grave nga ish-burrat e tyre, apo burrat e tyre. Me plotë bindje e them se ky fenomen është armiku unë më i madh. Dhuna është përhapur si një pandemi dhe po kalon në të gjitha familjet tona”.

“Le të jenë institucionet në ndërgjegjësimin më të lartë që rastet e tilla të trajtohen me prioritet dhe me seriozitetin maksimal, vajza e gra nuk kemi për të humbur. Prandaj le të shqiptohen dënimet maksimalet, le të vuajnë dënimet meritore, derisa janë dhunues ata janë të padobishëm për shoqërinë ata janë të padobishëm për familjen, prandaj edhe duhet të marrin dënimin e merituar e pastaj të rehabilitohen dhe të dalin si persona të përgjegjshëm nga institucionet korrektuese”, ka thënë Haxhiu.

Go to TOP