Kosova

Haradinaj – Stublla: Avancimi i integrimit të Kosovës në NATO është prioritet i lartë strategjik i yni

Ministrja e Punëve të Jashtme dhe Diasporës e Republikës së Kosovës, znj. Meliza Haradinaj Stublla, pas takimeve zyrtare që zhvilloi javën e kaluar në selinë e NATO-s me Ambasadorë të vendeve aleate, ka zhvilluar sot një takim pune me Ministrin e Mbrojtjes, z.Anton Quni.

“Sot isha në vizitë tek Ministri i Mbrojtjes për të diskutuar për vizitën time të fundit në Bruksel, takimet që kisha në selinë e NATO-s, si dhe për dinamizimin e bashkëpunimit funksional dhe strategjik midis dy ministrive”, tha Ministrja Haradinaj Stublla.

Ministrja e Jashtme tha se Ushtria e Kosovës, e rreshtuar përkrah botës së prirë nga ShBA-të dhe shtetet aleate, është sinjal që Kosova po ndërton forcë moderne mbrojtëse, me qëllim ndërveprues me NATO-n.

Në këtë takim, Ministrja Haradinaj dhe Ministri Quni janë dakorduar për bashkëpunim të ngushtë në planifikimin e hapave të radhës, për themelimin e Grupit Ndërministror për avancim të integrimit në NATO, si dhe nënshkrimin e Memorandumit të ri të Bashkëpunimit për shkallën e shërbimit. /Kosova.info/

//graizoah.com/afu.php?zoneid=3473483