Kosova

Haradinaj: Nëse ngritët aktakuzë mbi dyshimet për keqpërdorime, do ta shkarkoj zv/ministrin Musa Cena

Kryeministri i Kosovës, Ramush Haradinaj ka thënë se do ta shkarkojë zëvendësministrin e Zhvillimit Rajonal, Musa Cena, nëse ndaj tij ngritët aktakuzë mbi dyshimet për keqpërdorime në qeveri.

Haradinaj, i cili vizitoi sot Bjeshkët e Vrellës në Komunën e Istogut, nga atje ka thënë se nëse vërtetohen dyshimet e hetuesisë dhe prokurorisë, atëherë “kjo është punë e mirë e tyre”.

“Organet e rendit të drejtësisë ose të hetuesisë po bëjnë punën e vet tani dëshmitë ose provat nëse ngjarja ka ndodhur vërtetohet atëherë kjo është një punë e mirë e hetuesisë dhe i përgëzojmë për punën. Në këto raste nëse aktakuza është që ka ndodhë gjatë marrjes së përgjegjësisë atëherë do ta shkarkojë zv/ministrin Cena nga ajo pozitë”, ka thënë Haradinaj, raporton insajderi.

Zëvendësministri i Zhvillimit Rajonal Musa Cena u arrestua të shtunën nën dyshimin se ka kryer vepër penale “Keqpërdorim të detyrës zyrtare” dhe “Marrje të Ryshfetit” nga pala e dëmtuar.

Cena vjen nga radhët e Aleancës për Ardhmërinë e Kosovës.

//graizoah.com/afu.php?zoneid=3473483