Kosova

Haradinaj: Arritja e marrëveshjes për linja hekurudhore është nga puna efektive e Trumpit dhe Grenellit

Ish-kryeministri i vendit, Ramush Haradinaj ka reaguar pas arritjes së marrëveshjes ndërmjet Kosovës dhe Serbisë për linjën hekurudhore dhe autostradën Prishtinë-Beograd, duke e përshëndetur vizionin dhe udhëheqjen efektive të presidentit amerikan Donald Trump dhe ambasadorit Richard Grenell për normalizimin e marrëdhënieve Kosovë-Serbi, me nënshkrimin e këtyre marrëveshjeve që lidhin Kosovën dhe Serbinë.

Haradinaj në një postim në Twitter tha se tash është e nevojshme finalja e madhe, njohja reciproke ndërmjet dy vende, ashtu siç ka potencuar presidenti amerikan, Trump.

“Tash është e nevojshme finalja e madhe, njohja reciproke…”, u shpreh Haradinaj.

Ndryshe, sot gjatë paradites Kosova dhe Serbia kanë nënshkruar në Mynih të Gjermanisë dy letra të shprehjes së interesit, atë për autostrada dhe atë për hekurudha, përmes së cilave të dy vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

Leave a Reply

Your email address will not be published.