Grushte në Parlamentin e Kuvajtit, ministrat përleshen me deputetët e opozitës

Tensionet u rritën gjatë seancës së parlamentit për buxhetin vjetor. Ministrat e Kuvajtit dhe ligjvënësit e opozitës u përplasën gjersa kishte edhe goditje me shuplaka.

Parlamenti i Kuvajtit u takua sot për të diskutuar buxhetin vjetor. Gjatë takimit, një përleshje shpërtheu midis ministrave dhe ligjvënësve të opozitës.

Me fillimin e takimit, ligjvënësit e opozitës morën vendet e ministrave për të protestuar ndaj “korrupsionit” në vend.

Disa deputetë goditën tryezat për të ndaluar fjalimet. Ndërsa deputetët e opozitës uleshin në vendet e ministrave, ministrat prisnin në hyrje të sallës së takimeve.

Deputeti i opozitës kuvajtiane, Abdulaziz Al-Sakabi tha se “Problemi ynë nuk është me buxhetin. Problemi është te qeveria”.

Duke folur pas ngjarjes, Kryetari i Parlamentit të Kuvajtit, Marzouk Al-Ghanim pohoi se “Ne kemi të drejtë të kërkojmë një seancë të posaçme pasi seanca u ndërpre”.

Me gjithë tensionin në parlament, buxheti vjetor i vendit 2021-2022 u miratua.

https://dai.ly/x826fw8

Go to TOP