Kosova

Graqanicë: Gjendet i vdekur një person, në afërsi i gjenden minë e bajoneta

Një person është gjetur i vdekur të premten në Graqanicë.

Policia e Kosovës në raportin 24 orësh ka bërë të ditur se gjatë shikimit të vendngjarjes janë gjetur dhe konfiskuar dy karikatorë të mbushur të armës AK-47, një minë dhe dy bajoneta.

“Graqanicë,05.03.202123:25. Raportohet se viktima mashkull kosovar është gjetur pa shenja jete. Në vendin e ngjarjes kanë dalë të gjitha njësitet përkatëse ku gjatë shikimit të vendit të ngjarjes në një objekt ndihmës kanë gjetur dhe konfiskuar dy karikatorë të mbushur të armës AK 47, një minë trombllonike, dy bajoneta dhe pajisje për pastrimin e armëve.

Po ashtu është bërë e ditur se trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

“Me vendim të prokurorit trupi i pa jetë i viktimës dërgohet në IML për obduksion”, ka bërë të ditur Policia.

Rasti është cilësuar si “Vdekje e dyshuar”.