Kronika e zezë

Gjilan, arrestohen dy të dyshuar për përfshirje në veprën penale ‘fajde’

Njësia për Hetimin e Krimeve Ekonomike dhe Korrupsionit-Gjilan, për një periudhë disa mujore, ka kryer aktivitet operative-hetimore duke përfshirë edhe masat e fshehta teknike të hetimit, në drejtim të mbledhjes së fakteve dhe provave për të siguruar dëshmi rreth kryerjes të veprës penale ‘fajde’ nga dy të dyshuar.

Të dyshuarit e përfshirë në veprimtari penale janë:

  • I.I. ( v.l.1968, mashkull, kosovar) dhe
  • B.K. ( v.l.1969, mashkull, kosovar).

Dyshohet se I.I. i kishte dhënë  30,000.00 (tridhjetë mijë) €, një qytetari me marrëveshje që do t’i ktheheshin 39,000.00 (tridhjetë e nëntë mijë) €.

Po ashtu, dyshohet se B.K. i kishte dhënë  56,000.00 (pesëdhjetë e gjashtë mijë) €, një qytetari me marrëveshje që do t’i ktheheshin 70,000.00 (shtatëdhjetë  mijë) €. Pra, siç shihet shuma e fitimit (interesi, kamata) ishte jo-proporcionale (30%) në të dy rastet.

Hetuesit policorë, sot më 04.08.2020, me urdhëresë të Gjykatës Themelore-Gjilan, kanë kontrolluar shtëpitë e të dyshuarve dhe kanë arrestuar dy të dyshuarit. Pas marrjes në pyetje të të dyshuarve në prezencë të avokatëve mbrojtës, me akt-vendim të prokurorit të lëndës, që të dy dërgohen në mbajtje për 48 orë. /Kosova.info/

Leave a Reply

This site uses Akismet to reduce spam. Learn how your comment data is processed.