SPORT

Gimnasia y Esgrima/ Vazdon kontratën me Diego Maradonën

Diego Maradona do të mbetet trajner i klubit argjentinas Gimnasia y Esgrima deri në fund të stinorit 2020-21, pasi e ka vazhduar kontratën e tij, ka njoftuar klubi të mërkurën.

Ndonëse nuk janë dhënë detaje, klubi tifozët e të cilit njihen si Triperos, ka shkruar në Twitter: “Për ne, je më tepër se një Tripero dhe zemra jote është e kaltër dhe e bardhë si e jona. Gimnasia 2021 Maradona”.

Legjenda e futbollit, Maradona, ka marrë drejtimin e Gimnasias në shtator të vitit 2019, ndërsa klubi gjendej në pozitën e fundit në rangun e parë.

Ndonëse rezultatet janë përmirësuar, klubi prapë po shkonte drejt rënies nga elita kur stinori në Argjentinë u anulua në prill.

Mirëpo, Federata e Futbollit të Argjentinës ka vendosur të mos ketë rënie nga elita, duke e shpëtuar klubin e Maradonës.

//graizoah.com/afu.php?zoneid=3473483