Ministrja e Punës së Jashtme, Donika Gërvalla, është shprehur e gëzuar për suksesin e Distria Krasniqit në Lojërat Olimpike “Tokio 2020”.

Krasniqi e fitoi medaljen e artë në lojërat olimpike duke e pasuar Majlinda Kelmendin në këtë sukses historik të përfaqësimit të Kosovës.

“Distria sot Kosovës ia dha shkëlqimin e artë. Krahas krenarisë së pafund, në këto çaste gëzimi të madh, të mos harrojmë që Distria, kolegët dhe koleget e saj, por edhe talentet e shumta nga fushat e artit, dijes, kulturës, gjatë rrugëtimit të tyre të vështirë duhet ta ndiejnë shumë më fuqishëm dorën dhe mbështetjen e shtetit të tyre”, ka shkruar Gërvalla në Facebook.

“Me padurim presim t’i shohim gjatë ditëve të ardhshme edhe sportistët tanë të tjerë në Tokio dhe t’iu brohorisim rezultateve të tyre”.