SPORT

Franca e mposht Shqipërinë në kualifikimet për Euro 2020, gara në Grupin H ende e hapur

Franca e ka mposhtur Shqipërinë me rezultat 4-1 në kuadër të kualifikimeve për Euro 2020.

‘Gjelat’ kaluan në epërsi pas vetëm tetë minutash lojë me anë të Kingsley Coman, që u shërbye në mënyrë perfekte nga Raphael Varane.

Francezët e dyfishuan epërsinë me anë të Olivier Giroud (27), pas një asistimi që pranoi nga Lucas Hernandez.E

Kampioni në fuqi i Botës kishte mundësi ta shënonte edhe golin e tretë në pjesën e parë, mirëpo pritjen e tij e priti Thomas Strakosha në minutën e 37-të.

Pjesa e parë përfundoi me epërsinë prej dy golave të Francës, derisa e dyta ishte më e qetë.

Francezët arritën ta shënonin edhe golin e tretë në këtë takim me anë të Kingsley Coman në minutën e 68-të, me një asistim nga Griezmann.

‘Gjelat’ e shënuan edhe golin e katërt me anë të Joanthan Ikone (85′), mirëpo Shqipëria arriti ta ngushtonte epërsinë me anë të Sokol Cikalleshit që shënoi nga pika e bardhë (90′).

Franca, Turqia dhe Islanda e ndajnë pozitën e parë të Grupit H me nga 12 pikë, Shqipëria me gjashtë, Moldavia me tri dhe Andorra ende pa pikë.

Duke parë gjendjen aktuale në këtë grup, mund të thuhet se shanset e Kombëtares tonë për t’u kualifikuar në Euro 2020 janë shuar tashmë, pasi Turqia e mposhti 1-0 Andorrën. /Telegrafi/