Life Style - Funny

FOTO/ Pozoi nudo para xhamisë, Turqia lëshon fletarrest për modelen e ‘Playboy’-t

Modelja e “Playboy” rrezikon të përballet me burg pas fotosesionit lakuriq në xhaminë e Turqisë.

Modelja kontroverse e “Playboy”, Marisa Papen mund të përballet deri në 3 vjet burg në Turqi, për shkak të fotografive nudo në disa prej pikave më të famshme të vendit, shkruan TheSun.

Ajo shkaktoi zemërim, pasi pozoi nudo në xhaminë e famshme të Stambollit “Hagia Sophia” në vitin 2018.

Në foto, Marisa, 27 vjeçe, ngriti një burka që ajo kishte veshur dhe zbuloi pjesët e saj intime në “Hagia Sophia”, një xhami ikonike otomane që tani përdoret si një muze në Stamboll, Turqi.

Por Zyra e Prokurorit Publik të qytetit ka lëshuar urdhër për arrestimin e saj dhe e ka dënuar atë për “veprime mashtrimi” dhe “poshtërim publikisht të sovranitetit të shtetit”, thonë mediet turke.

Kjo do të thotë që ajo mund të arrestohet dhe potencialisht të dënohet me burg deri në tre vjet.

Urdhri i arrestit raportohet se tani është lëshuar, kështu që autoritetet turke mund të marrin deklaratën e saj në lidhje me incidentet nën hetim.

Marisa, e cila e përshkruan veten si një “ekspresioniste me shpirt të lirë dhe me zemër të egër”, udhëtoi për në Turqi me fotografin australian Jesse Walker për një fotosesion për kampanjën e “ENKI Eyewear”, dy vjet më parë.

Por policët turq ishin në gatishmëri në atë kohë, duke vizituar hotelin e tyre në Stamboll dhe duke marrë në pyetje stafin një ditë pasi ata u larguan për në një vend tjetër në Turqi.

Krahas imazhit famëkeq të xhamisë, Papen gjithashtu pozoi nudo në rajonin lindor turk të Cappadocias.

Marisa i tha CEN News “Për dallim nga Egjipti, këtë herë nuk kemi pasur një plan të fortë. Asnjë përgatitje fare, por një imagjinatë e pafund dhe një themel mjaft i fortë.

“Nëse keni qenë ndonjëherë në Hagia Sophia, do të dini se nuk ka asnjë ditë pa mijëra njerëz të jenë rreth e rrotull në çdo kohë. Ne vendosëm të prisnim një grup të udhëhequr dhe ndërsa udhëzuesi po tregonte historinë e tij dhe të gjithë po i kushtonin vëmendje, ishte koha e ‘lojës’”, shtoi ajo.

Kjo nuk është hera e parë që Papen ka nxitur zemërim për fotografitë e saj lakuriq.
26-vjeçarja bëri tituj në të gjithë botën për polemikat e saj antifetare, të cilat përfshinin pozat nudo në një kryqëzim gjigant në Vatikan.

Vitin e kaluar, ajo shkaktoi një ‘stuhi’ në internet për festimin e përfshirjes së zjarrit të Notre-Dame në Paris. Modelja gjithashtu shkaktoi zemërim në Izrael pasi pozoi para Murit të Vajtimit të Jerusalemit.

Popen u bë kryetitull i medieve edhe për poza lakuriq në kompleksin e lashtë të tempujve Karnak afër qytetit egjiptian të Luxor.

Ajo nuk ka dhënë ende ndonjë koment në lidhje me hetimin turk.

Image