SPORT

Feronikeli fiton thellë ndaj KEK-ut, Trepça ’89 merr një pikë në udhëtim te Drita

Feronikeli ka fituar lehtë ndaj KEK-ut në xhiron e 28-të të Superligës së Kosovës.

Lideri mposhti ekipin tashmë të Ligës së Parë me rezultat 0 me 4.

Kastriot Rexha realizoi hat-trick nga penaltitë, ndërsa një gol tjetër e shënoi Carioca Jean.

Feronikeli mbetet lider me 65 pikë në tabelë, aq sa ka edhe Prishtina në pozitën e dytë. Llapi është i treti me 63.

Drita dhe Trepça ’89 janë ndarë me barazim 1-1 në ndeshjen e vlefshme për javën e 28-të në Ipko Superligën e Kosovës në futboll.

Ndeshja e zhvilluar në stadiumin “Selami Osmani-Bezi” në Gjilan ka sjell një ndeshje interesante, me shumë raste, aksione dhe gola.

Pjesa e parë e ndeshjes ishte shumë e baraspeshuar, por ishin vetëm mysafirët të cilët gjetën rrugën e golit.

Goli i vetëm në këtë pjesë erdhi në minutën e 27-të dhe ishte Lassine Traore, i cili shënoi nga largësia për 1-0.

Në pjesën e dytë, Drita ishte më e mirë dhe duke rrezikuar më shumë arritën të gjejnë edhe golin e barazimit.

Ky gol erdhi në minutën e 77-të dhe ishte Xhevdet Shabani që shënoi për 1-1 dhe vulosi rezultatin përfundimtar të ndeshjes.

Pas këtij barazimi, Drita vazhdon të mbetet në pozitën e katërt me 46 pikë, ndërsa mitrovicasit renditet në pozitën e gjashtë me 38 pikë.

Në ndeshjen e radhës, Trepça ’89 e pret në shtëpi Lirinë, ndërsa gjilanasit udhëtojnë te Llapi.

Image

Leave a Reply

This site uses Akismet to reduce spam. Learn how your comment data is processed.