Kombëtare

Ekuipazhi i anijes shqiptare shpëtoi 36 migrantë afganë në Detin Egje

Ministria e Mbrojtjes e Shqipërisë thotë se një anije e tyre që po lundronte në Detin Egje ka shpëtuar 36 afganë të cilët po përpiqeshin të arrijnë në Greqi.

Ministrja shqiptare e Mbrojtjes, Olta Xhaçka, shkroi në Twitter se nëntëmbëdhjetë fëmijë afganë, tetë gra dhe nëntë burra u shpëtuan nga anija shqiptare “Oriku”, dhe në bashkëpunim me Agjencinë Evropiane të Kufijve (Frontex) u janë dorëzuar autoriteteve lokale.

“36 shtetas afganë u shpëtuan nga anija “Oriku” e Forcës sonë Detare gjatë patrullimit në detin Egje.
Ekuipazhi shqiptar pikasi gomonen ku gjendeshin 19 fëmijë, 8 gra e 9 burra dhe në bashkëpunim me Frontex ia dorëzuan autoriteteve lokale.
Krenare për detarët tanë!”, shkroi ajo ne Twitter.

View image on Twitter

Shqipëria, është anëtare e NATO-s që nga viti 2009, si dhe është pjesë e aleancës detare të vendeve të Egjeut Perëndimor.