Kosova

Edhe dy reagime ndërkombëtare pas rrëzimit të qeverisë (Foto)

Deputetët e Kuvendit të Kosovës me 82 vota për votuan mbrëmë rrëzimin e Qeverisë së Kosovës të udhëhequr nga Albin Kurti.

E një gjë të tillë nuk e kanë mirëpritur disa diplomat gjerman.

Ish-shefi i UNMIK-ut Joachim Rucker dhe diplomati gjerman Boris Ruge kanë deklaruar se ata që e rrëzuan qeverinë në mes të një pandemie do të duhet t’iu përgjigjen pyetjeve të përgjegjësisë dhe legjitimitetet.

Të dy diplomatët gjermanë kanë kritikuar Shtetet e Bashkuara të Amerikës që i dhanë mbështetje rrëzimit të Qeverisë.

“Ata që rrëzuan Qeverinë e Kosovës në mes të një pandemie do të duhet t’u përgjigjen pyetjeve të përgjegjësisë dhe legjitimitetit. Bashkimi Evropian, Franca dhe Gjermania duhet të lavdërohen për mbështetjen e tyre të fortë ndaj kryeministrit Albin Kurti. E dhimbshme të shohësh SHBA-të duke ndjekur një agjendë të ndarë dhe të rrezikshme”, kanë shkruar në rrjetet sociale dy diplomatët gjerman.

Kujtojmë se rrëzimi i Qeverisë ndodhi pas inicimit të mocionit të mosbesimit nga LDK-ja, mocion ky i cili u mbështet nga 44 deputetë. /Telegrafi/