Rajoni

“Duhet të luftojmë”/ Vuçiq ndez serbët në Instagram duke bën thirrje të çuditshme për gjendjen në veri

Presidenti i Serbisë, Aleksandar Vuçiq po shfrytëzon të gjitha mediat sociale për të folur për veriun e Kosovës dhe situatës që është de-eskaluar tash e nëntë ditë.

Presidenti i Serbisë, Aleksandar Vuçiq, postoi një video në Instagram, në të cilën ai theksoi se të gjithë e kuptuan sa e vështirë ishte situata dhe sa të lidhura ishin duart e Serbisë në Kosovë, “ne duhet të luftojmë për popullin tonë “.

“Sepse nëse nuk luftojmë, atëherë nuk do të jemi kurrë në gjendje të arrijmë asgjë,” tha Vuçiq.

Ai shtoi se Serbia bëri përparim “sepse luftuam, sepse treguam se kemi mjaft forcë, energji, njohuri, besim në vetvete”.

“Unë thjesht mendoj se është jashtëzakonisht e rëndësishme për ne që të tregojmë përmbajtje, gjithmonë dhe në çdo kohë të përpiqemi për kompromis, por edhe të tregojmë vendosmëri dhe të luftojmë për vendin tonë, të luftojmë për Serbinë tonë, për popullin tonë dhe për të gjithë qytetarë të tjerë që jetojnë në këtë vend ”, ka theksuar Vuçiq.

“Faleminderit njerëzve në këto ditë të vështira për mbështetjen e tyre, faleminderit njerëzve tanë në Jarinjë dhe Bërnjak, Serbia është me ju,” tha Vuçiq.