Bota

Trump del nga Shtëpia e Bardhë

Presidenti në largim i Shteteve të Bashkuara, Donald Trump, së bashku me zonjën e parë, Melania, kanë dalë nga Shtëpia e Bardhë, pak minuta pas orës 08:00, sipas kohës lokale.

Trump ka paralajmëruar qysh më herët se nuk do të marrë pjesë në ceremoninë e inaugurimit të presidentit të zgjedhur, Joe Biden.

Trump është nisur me helikopterin Marine One drejt bazës ushtarake Joint Base Andrews, në Merillend.

Kjo është hera e parë në 152 vjet që presidenti në largim nuk merr pjesë në inaugurimin e presidentit të zgjedhur.

Trump nuk e ka pranuar kurrë humbjen ndaj Bidenit. Ai ka bërë pretendime të pabaza për mashtrime në zgjedhje.