Kombëtare

Drejtoria e Arsimit në Gjilan thotë se fëmijëve nga Shqipëria do t’u mundësohet qasja në arsim

Drejtoria e Arsimit në Komuna e Gjilanit do t’iu mundësojë fëmijëve nga Shqipëria të cilët u strehuan në Kosovë pas tërmetit, të vijojnë mësimin në shkollat e kësaj komune.

Këtë e ka bërë të ditur, drejtori i Arsimit në këtë komunë, Nazim Gagica.

“Duke u bazuar në rëndësinë e arsimimit të fëmijëve, Drejtoria Komunale e Arsimit do të mundësoj qasje për arsimim, në shkollat tona, për fëmijët nga Shqipëria të strehuar në Komunën e Gjilanit”, ka shkruar ai në Facebook.

Sipas tij, fëmijët nga Shqipëria të strehuar në Gjilan duhet të kenë mundësi për t’u arsimuar, për kohën sa qëndrojnë në Komunën e Gjilanit dhe nuk duhet të humbin asnjë ditë të mësimit.

Gagica thotë se në kuadër të identifikimit të fëmijëve të strehuar, pikë kontakti për qytetarët do të jetë Drejtoria e Arsimit dhe shkolla më e afërt ku janë të strehuara familjet.

Leave a Reply

This site uses Akismet to reduce spam. Learn how your comment data is processed.