Kosova

Deputeti i AAK-së: Huliganët serbë po keqpërdorin mirësinë tonë, por do t’ua ulim kokën

Deputeti i Aleancës për Ardhmërinë e Kosovës Gazmend Syla, ka reaguar për arrestimin e sotshëm të disa serbëve nga Policia e Kosovës ne Gazimestan, të cilët kishin shkuar aty për të festuar Vidovdanin.

Syla ka thënë se serbët vazhdimisht po keqpërdorin mirësinë e Kosovës, por iu ka çuar porosinë që Kosova është e shqiptarëve dhe shkelja e ligjit dhe e Kushtetutës nuk do të tolerohen.

“Porosia për Gjuriqin e rrugaçët e tij është se sa herë çoni kokën, e provokoni sigurinë tonë, ne do të t’ju ulim at kokë, që assesi të çlirohet nga apetitet serbomëdha”.

Shkrimi i plotë:

Si zakonisht, qëllimisht keqpërdoret mirësia e shtetit të Kosovës nga huliganët serb.

Policia sot ka kryer punën siç dhe e do rendi kushtetues ,në Gazimestan të Obiliqit.

Gjuriqi e gjuriqat e tjerë mund të vajtojnë, por Kosova ka qenë dhe do të jetë shqiptare.

Porosia për Gjuriqin e rrugaçët e tij është se sa herë çoni kokën, e provokoni sigurinë tonë, ne do të t’ju ulim at kokë, që assesi të çlirohet nga apetitet serbomëdha.

Policia jonë, krenaria jonë!

Leave a Reply

This site uses Akismet to reduce spam. Learn how your comment data is processed.