SPORT

Dënohet parashutisti që ndërpreu ndeshjen Sassuolo – Inter

Burri që ndërpreu ndeshjen mes Sassuolos e Interit në fundjavë duke u lëshuar me parashutë në fushë është dënuar me ndalim hyrjeje në stadiume për të parë ngjarje sportive.

Incidenti i pazakontë ndodhi të dielën, në kohën kur Interi po përgatitej për penallti, në fitoren 3 me 4. Ai u lëshua me parashutë në stadiumin Mapei, por ka thënë se nuk ka pasur qëllim që të bënte lëshim të tillë.

Sipas agjencisë së lajmeve “Ansa”, 36-vjeçari ka thënë se pasi i ishin shfaqur disa probleme gjatë fluturim ishte detyruar të bënte ulje urgjente, por “nuk e kishte ditur se hapësira e vogël e gjelbër ishte fushë futbolli”.

Autoritetet në Itali tani kanë vendosur që këtij personi më të mos i lejojnë të ndjekë nga afër ngjarjet sportive.